Vaccination dry run sang probinsya sang Negros Occidental patigayunon sa Candoni

7

Napilian sang probinsya sang Negros Occidental ang banwa sang Candoni nga amo ang patigayunan sang vaccination simulation.

Suno kay Provincial Administrator Atty. Rayfrando Diaz nga napili ang Candoni bangud malayo ang distansya sini kag kulang sa cold storage facility kon ikumparar sa iban nga lugar.


Ang dry-run sa vaccination amo ang basehan sa matabo nga actual nga pagbakuna nga himuon sang probinsya kon mag-abot na ang bakuna, samtang wala naman problema ang iban nga LGU bangud malapit kag mahapos nga ini nga mga lugar.

Sa karon ginahulat na lang ang go-signal ni Provincial Health Officer Dr. Ernel Tumimbang kon san-o patigayunon ang simulation agud nga ma-ready na ang kinahanglanon kaangay sang transportation, personnel kag logistic.

Nahibaluan nga ang Negros Occidental may target nga 1.5 million ka Negrense nga bakunahan ukon 70 percent sa total population.

[image: image.png]




Facebook Comments