Miabot sa 12 ka mga indibidwal ang nasikop sa managlaing operasyon sa kapulisan batok sa illegal nga sabong kon tari-tari sukad adtong milabayng Domingo ug kagahapon.
Girombo sa mga kapulisan ang mga gipahigayong tari-tari sa mga lungsod sa Sumilao, Lantapan, Maramag ug ang dakbayan sa Valencia.
Narekober gikan sa managlaing operasyon ang kapin kun kulang P2,000 nga kwartang pangsugal sa nagkadaiyang denominasyon, mga bulang kon tari ug mga patay ug buhing manok panabong.
Mag-atubang sa paglapas sa PD 449 nga gi-amendar sa PD 1602 kon ang paglambigit sa illegal nga sugal ug sa section 9 sa RA 11332 kon mas giila nga Act Providing Policies and Prescribing Procedures on Surveillance and Response to Notifiable Diseases, Epidemics, and Health Events of Public Health Concern.
Gidala na sa tagsa-tagsa ka mga presinto sa kapulisan ang mga nadakpang suspetsado alang sa tokmang disposasyon.
