Roxas City, Capiz – Kapin sa 12 ka mga LGUs sa Capiz ang nagdeklarar nga persona-non-grata ang rebelde nga New Peoples Army sa ila lugar. Kalakip sa mga ini amu ang banwa sang Cuartero, Dao, Dumalag, Ivisan, Jamindan, Panay, Panit-an, Pilar, Sigma, President Roxas, Pontevedra kag Roxas City. Ang nasambitan nga deklarasyon ang suportado naman sang gindihon nga resolusyon nga gin-aprobahan naman sang tagsa ka mga municipal council. Samtang ang banwa sang Tapaz, Sapian, Mambusao, Maayon kag Dumarao ang wala pa makadelakrar. Suno kay CPPO Provincial Director Col Julio Gustilo Jr, nagapamatuod lamang ini nga indi sang welcome sa nasambitan nga mga banwa ang indi maayo nga hilimuon sang nasambitan nga mga grupo. Samtang iya man nga gindayaw ang ginpakita nga kaisog kag panindugan sang mga LGUs kag katapo sang municipal councils nga ideklarar nga persona-non-grata ang mga NPA sa ila lugar.
