Nikabat ngadto sa 12-mil ka mga kandidato sa probinsya sa Bukidnon ang buot magpapili sa Barangay ug Sangguniang Kabataan kon SK election karong Mayo 14.
Sa interview sa RMN Malaybalay ngadto kang Atty. Stalin Baguio, ang provincial election supervisor sa Comelec-Bukidnon gibutyag niini nga ang mao nga ihap naglangkob na sa posisyon sa pagka-kapitan, kagawad, SK chairman ug SK Kagawad.
Sa karon matud ni Atty. Baguio nga wala pa siyay nadawat kung aduna bay na-diskwalipika.
Una nang gibutyag sa COmelec-Malaybalay nga adunay pipila ka mga nagpapili sa SK nga posisyon nga nagduso sa ilang COC bisan ug wala kini na rehistro.
Matud sa provincial election supervisor nga ila na kining gipang-warningan ug ang uban nagduso na sa ilang statement of withdrawal sa ilang COC.
Una nang nagpahimangno ang Comelec-Bukidnon sa mga kandidato nga tamdan ang mga sumbanan nga gitakdang sa balaod panahon sa pagpangampanya.
