TACLOBAN CITY – Kun an mga empleyado han gobyerno in tapos na makakarawat han ira christmas bonus, an Social Security System (SSS) pensioners naman in makarawat han ira 13th month bonus.
Ha interview han RMN kan Bernard Yepes, Officer-In-Charge han SSS Tacloban Branch Accounts Management Section, kun pira an nakakarawat nga kada bulan nga pension han mga sss pensioners in ansya gihapon an ira 13th month bonus.
“Ini hiya in 100%, kun pira an pension ansya gihapon an ira bonus.”
Dugang ha pamahayag ni Yepes, magkakamayada schedule para ha mga SSS pensioners pero posible magtikang an pagkarawat hin 13th month bonus yana nga syahan nga semana han Desyembre.
Ginbana-bana 12,000 nga mga SSS pensioners ha Leyte an makarawat han ira bonus pero pagklaro ni Yepes ngatanan nga pensioners ha bug-os nga Pilipinas in mayada 13th month bonus.
Nag-alotaga an sss hin P22 billion nga pondo han bonus ha 2.4 million pensioners nationwide.
