Davao City – Gibutyag ni Davao City Mayor Sara Duterte-Carpio nga adunay mga nagpositibo nga flight passengers nga miabot sa Davao International Airport sa milabay nga bulan.
Matud sa alkalde nga sulod sa bulan sa Agosto anaa sa 121 ka mga flight passengers ang nagpositibo gikan sa commercial ug sweeper flights nga miabot sa dakbayan.
“Sa commercial flights ang total nga na-swab is 3,495 (passengers). 110 ana ang (COVID-19) positive. For sweeper flights, OFWs ni sila, na-swab sa ilaha 1,295 (passengers). 11 sa ilaha ang (COVID-19) positive,” butyag sa alkalde.
Samtang sa by land transportation nga mga pasahero sa susamang bulan, anaa sa 120 ang napailawom sa swab testing diin siyam (9) sa maong ihap ang nagpositibo.
Gilayon usab nga gisunod ang proseso sa pag atiman sa mga nagpositibo ingon man contact tracing sa nahisgutan.
RadyoMaN Kirby Manzon
