Makabaton ang 121 ka mga private kag government hospital sa rehiyon dose sang nag-abot nga 3,500 vials ukon 35,000 doses sang AstraZeneca COVID-19 vaccine para sa ila nga mga health workers.
Suno kay Regional Health Education and Promotion Officer Arjohn Gangoso ang nag-abot nga Astrazeneca vaccine ang para na sa first kag second dose nga ang makabaton ang mga infirmary, level 1, 2 kag 3 nga mga private kag government hospital lakip na dire ang 23 ka mga referral hospital sa rehiyon.
Pahayag naman ni Gangoso nga ang AstraZeneca ang para sa 18-anyos pataas amo nga pwede mabakunahan sini ang mga senior citizen depende sa attending physician.
Samtang suno naman kay regional immunization program manager Dr. Edvir Jane Montañer idistribute sa mga probinsya sa rehiyon ang vaccine sa Lunes nga adlaw kag sa Martes, Marso 16 umpisahan naman sang mga ospital ang pagbakuna sang AstraZeneca sa ila mga health workers.
