Jamindan, Capiz- 124 ka mga aspirante sa pagka-suldado ang pormal na nga nagsumpa para sa ila training sa idalom sang 3rd Division Training School sa Camp Peralta sa banwa sang Jamindan.
Ang mga ini ang magabug-os sa Candidate Soldier Course (CSC) Class 668 – 2021 nga magahanas sa sulod sang tatlo ka bulan kag dugang pa gid nga tatlo ka bulan para sa Infantry Operations Course (INFOC) sa pagpanguna sang mga training staff sang 3rd Division Training School.
Pinaagi sa amo nga training, mahibaluan sang mga candidate soldiers ang disiplina kag doktrina sang militar, kasugoan kag Standing Operating Procedures ukon SOP.
Pagahanason man sila sa basic weapons and Army Techniques, Tactics, and Procedures ukon TTPs bilang preparasyon sa pagtuman sang ila katungdanan bilang enlisted personnel sang Philippine Army.
Mahibaluan nga antes ang ila nga pagsumpa para sa training, nag-agi anay ang mga ini sa tuman ka id-id nga selection processing standard nga gin-set sang Philippine Army kapareho sang Physical, Medical, Neurological kag Psychological examinations.
Ang Opening Ceremony ang ginpangunahan ni Major General Eric Venoya, commander sang 3rd Infantry Division Philippine Army.
via – Philippine Army Spearhead Troopers FB Page
