128 ka barangay sa lalawigan sa Sugbo, na-validate na sa Cebu Provincial Anti-Drug Abuse Office isip drug-free nga mga barangay

101
Na-validate na sa Cebu Provincial Anti-Drug Abuse Office (CPADAO) ang 128 ka mga barangay sa lalawigan sa Sugbo, nga una nang gideklarar sa Cebu Provincial Police Office (CPPO) nga drug free.
Apan bisan paman og na-validate na nila ang mao nga listahan, suma sa pangu sa CPADAO nga si Board Member Ivy Meca, kinahanglan pa kini nga kumpirmahon sa Philippine Drug Enforcement Agency (PDEA)-7, sa dili pa i-endorso ngadto kang Cebu Gov. Hilario Davide III.
Matod ni Meca, nga ang CPADAO mi-validate sa rekomendasyon sa CPPO pag-deklara ug drug free sa maong mga barangay, basi na sa kaaktibo ang ilang Barangay Anti-Drug Abuse Council (BADAC) alang sa sustainability sa maong programa.
Hinoon, sukwahi sa unang rekomendasyon sa CPPO, ang mga barangay sa lungsod sa Pilar sa isla sa Camotes ang giwagtang sa listahan sa CPADAO nga drug free, tungod kay dili aktibo ang ilang BADAC.
Sa regulasyon nga ilang gisunod, ang PNP maoy mo-rekomendar og drug free nga mga barangay diin i-validate kini sa CPADAO ug kumpirmahon sa PDEA una i-endorso ngadto sa gobernador aron kini maaprubahan ug hingpit nga madeklarar nga drug free barangay.
Nasayran nga sa mga distrito sa lalawigan sa Sugbo, ang sixto distrito palang ang wa makadeklarar og drug free nga barangay.
Awhag hinoon ni Davide, nga hatagan og pasidungog kadtong mga barangay nga natagak sa drug free nga listahan, tungod lang kay dili aktibo ang ilang BADAC apan wala na’y presensya sa mga drug dependents ug pushers.

Facebook Comments