Philippine Air Force misukod sa katakus sa bag-ong fighter jets nga ilang napalit

30
Nihimo og Familiarization Flight mission sa Visayas Region ang Philippine Air Force, aron i-test fly ang ilang bag-ong fighter jets nga FA-50PH o mas naila nga “Fighting Eagles” aircraft nga gikan sa nasud nga South Korea.
Suma ni Maj. Vivien Valerio, information officer sa PAF, nga duha ka fighter jets sa Mactan Air Base ang niabot, diin kabahin kini sa AFP Modernization Program sa gobyerno.
Matod ni Valerio, nga dako ug ikatabang ang maong mga fighter jets aron mapalig-on sa nasud ang pag-depensa sa kawanangan niini, diin anaa sa 12 ka mga FA-50PH aircraft ang napalit sa PAF.
Gawas sa territorial defense, magamit usab kini alang sa survey operations ug air support missions.
Gihimo ang over-flight/familiarization mission ngadto sa mga lugar nga adunay PAF Bases, Air Divisions ug Tactical Operations Groups, diin gawas sa Sugbo, gi-deploy usab ang maong mga fighter jets sa Roxas, Kalibo, Ilo-ilo, Bacolod, ug San Carlos City.
Human niini, susama nga inisyatiba usab ang himoon sa Philippine Air Force ngadto sa ubang dapit sa nasud.

Facebook Comments