General Santos City—Dakpan ang usa ka 19 anyos nga itago lang sa pangalang Alias Richard, ulitawo, residenti sa Alabel, Sarangani Province human iyang gimolestya ang 13 anyos nga dalagita nga itago lang sa pangalang Inday, residenti sa Barangay South Gensan.
Sa tala sa Police Station 6, nasuta nga gireklamo sa biktima ang suspek human nga gisulod niini ang nasampit sa banyo samtang naligo ang biktima dayon gihilam ang mga pribadong parti sa lawas niini.
Tungod sa kahadlok nakasyagit ang biktima mao nga girespondihan sa ilang mga silingan ug gidakop ang suspek.
Hugtanon usab nga gihimakak sa suspek ang aligasyon batok ngadto kaniya dungan sa pagbutyag nga siya gihimo-himuan lang ug estorya.
Sa karon giandam na sa kapulisan ang tukmang kaso batok sa suspetsado.
