BACOLOD CITY – Liwat napamatud-an ang hambalanon nga “ang pahinulsol yara sa katapusan.” Ini sa karon ang ginabatyag sang isa ka tricycle driver pagkatapos ginpadakup sang isa ka 13 anyos nga dalagita nga naghimulos sa iya sa isa ka lugar sa Brgy. Mandalagan, Bacolod City.
Nakilala ang suspek nga si Ronnie Peñalosa, 44 anyos ang edad kag detained karon sa Police Station 3 matapos ini siya gintudlo sang biktima nga amo ang naghimulos sa iya.
Sa interview sang dyHB, gin-ako ni Ronnie nga nagdulum gid lamang ang iya panan-awan gani nahimo niya ang krimen nga pagpanglugos sa biktima.
Suno kay Ronnie, nagsakay sa iya traysikol ang biktima kag iya nakita nga indi pa luyag magpanaug sang biktima gani na-tentar siya agud himuon ang krimen.
Si Peñalosa ang may lima ka mga kabataan samtang ang iya asawa ang nagatrabaho sa abroad.
