Nasapwan nga yara na sa state of decomposition ang bangkay sang 13-anyos nga babaye sa plantasyon sang pinya sa Purok Pag-asa, Brgy Cannery Site, Polomolok, South Cotabato, alas 4:30 sang hapon, kahapon nga adlaw, Hulyo 8, 2021.
Suno sa iloy sang biktima nga Hulyo 5 ginsugo sang iya nga lola nga magbaligya sang langka, apang nahapunan lang wala na ini nakapauli amo nga ginpangita nila kag kahapon nasapwan ini nga patay.
Pahayag sang iloy nga daku ang handom sang iya nga anak nga ginguba sang mga suspek.
Sa subong hustisya ang ginasinggitan sang iloy sa brutal nga pagpatay sa iya nga anak.
Dugang pa nya nga may-yara na sila sang ginatudlo nga suspek sa pagpatay sa anak kag pursigido suno pa sya nga magpasaka sang kaso.
Samtang base sa imbestigsyon sang SOCO nakaangkon sang head injury sa itaas nga bahin sang tuo nga mata ang biktima.
Ginproseso naman sang SOCO ang mga ebidensya kapareho sang Vocal Swab kag vaginal Swab para sa eksaminasyon.
