Misaka na sa 13 ang kompermadong patay sa panig sa mga teroristang BIFF og Abu Toraife group sa walay puas nga military joint operation sa pagpanguna sa 6th infantry battalion sa Phil Army sa tri boundary sa Maguindanao og North Cotabato.
Matud pa kang army 6th IB spokesperson LT. Col Roberto Breboneria nga gilusad nilang ang clearing operation sa kabukirang bahin sa Maguindanao og North Cotabato tungod sa posibling didto gatagu ang bomb maker nga giilang si Abdul Kober Usman alyas Kumander Eds Grafiel nga sakop sa BIFF bungos faction.
Dugang pa ni Lt Col Breboneria nga sa 13 nga namatay sa mga teroristang grupo 7 pa lamang ang ilahang nailhan nga silang abdul Mosaiden, Mohamad Satar, Hamid Ekal, Esmael Kagui Malang, Mubarak Akbal, Mosanep Kabelan, og us aka alyas Alimuden.
Sa pagkakaron si Kumander Eds Grafiel ang padayon pang ginalutos sa military human kini makaikyas sa operasyon. Samtang usa ka sundalo usab ang napatay sa maong operasyon nga giilang si Master Sergeant Ambad Mahad, human kini maigo sa engkwentro sa may Barangay Kabasal Pikit North Cotabato.
