Nakabaton sang ayuda ang 13 ka mga bag – o nagsurender nga miyembro sang Communist Terrorist Group (CTG) CPP-NPA. Nagalab -ot sa P23, 000.00 ang nabaton sang kada isa sa ila bilang initial cash assistance. Ginpangunahan mismo ni PNP 12 Regional Director PBGEN MICHAEL JOHN F DUBRIA ang distribution sang ELCAC (End Local Communist Armed Conflict) assistance sa mga former rebels sa bahin sang South Cotabato Gymnasium and Cultural Center sang Marso 29, 2021. Samtang ginsiguro naman ni South Cotabato Police Provincial Director Police Provincial Office (SCPPO) PCOL JEMUEL F SIASON ang padayon nga paghatag sang ayuda sa mga former rebels samtang ginapaidalom sa validation sang Joint AFP-PNP Intelligence Committee (JAPIC) para sa ihatag pa nga benepisyo sa idalom sang Enhanced Community Local Integration Program (E-CLIP). Pahayag man ni PCOL SIASON nga nagapatigayon man sila sang “Serbisyo Caravan” upod ang iban pa nga government agencies sa mga malagyo nga lugar bilang instrumento nga mabuhinan ang miyembro sang CPP-NPA’s nga nagaoperate sa South kag kaiping nga probinsya. Ginhangkat man ni PBGEN DUBRIA ang mga former rebels nga gamiton ang inisyal nga financial assistance sa pag umpisa sang pagpangabuhi sang matawhay. Naghatag man ini sang cash assistance nga nagakantidad sang tig P10, 000.00 sa mga surrenderer kag dugang man nga P10, 000.00 sa apat ka mga former rebels nga nagsurender sang mga high powered firearms. May-angot sini, naghatag man ang provincial government sang South Cotabato kag DSWD 12 sang financial assistance kag food packs sa mga former rebels. Sa pagtapos sang aktibidad ginsunog sang mga former rebels ang CPP-NPA flag. Credits to SCPPO
