13 ka miyembro sa NPA-misurender sa Malapatan

19

General Santos City–Mukabat ngadto sa 13 ka mga gika-ingong myembro sa NPA kon New People’s Army ang misurrender sa sabakan sa goberno pinaagi usab ni Malapatan Mayor Salway Sumbo Jr. niadtong milabay nga adlaw.

Sumala pa ni Lieutenant Colonel Ronald Valdez ang Battalion Commander sa 73rd Infantry Battalion nga una nang misurrender ngadto kang Mayor Sumbo ang 3 ka mga NPA usa matud pa ang regular member ug ang uban mao ang Humil kon taga suporta sa rebelding grupo.


Mikanayon matud pa kini nga aduna pa silay mga kaubanan sa bukid nga makumbinsi nila nga mosurrender sa goberno aron nga malimpyo ang ilahang mga pangalan kung asa walo sa mga kaubanan niini ang most wanted sa Malapatan.

Samtang gikabutyag usab ni Police Col. Lex Gurat ang Provincial Director sa Sarangani Provincial Police Office nga moagi ug proseso ang mga nahisgutang misurrender ug ilaha pangsutaon kung unsa ba ang mga kaso sa mga nahisgutan.

Sa karon dili pa nila masulti kung ang tanan ba nga misurrender ang maka-avail sa E-CLIP program sa goberno tungod kay ang mga regular nga myembro lang sa armadong NPA ang kwalipikado niini hilabi na sa cash assistance ug sa livelihood program.

Dugang pa ni Col. Gurat nga dako kini ug nahimo sa munisipyo sa malapatan tungod kay makonhuran na ang mga wanted nga mga tao nga anaa sa ilahang listahan kansa dako ug epekto sa peace and order sa munisipyo.

Gikabutyag usab sa usa sa mga mi-surrender nga si Marquez Rondo nga miuban kini sa mga NPA tungod kay nadala siya sa propaganda nga batbat kaniya sa maong grupo.

Sumala pa niini nga tungod kay aduna naman kiniy warrant of arrest sa kaso nga double frustrated murder nakadisisyon kini nga moapil nalang sa maong grupo aron nga dili masikop sa awtoridad.(Dave Silagan)
(Photo is for Illustration only)

Facebook Comments

From Advertisers