General Santos City–Mapasalamaton si Malapatan Mayor Salway Sumbo Jr . ngadto sa 13 ka mga misurender ngadto kaniya tungod sa ilahang pagsalig sa iyahang pamunuan sa lungsod sa Malapatan.
Sumala pa niini nga ang mga nasangpit ang anaa lang sa kabukiran sila ang pinaka dali nga target sa NPA aron nga awhagon nga sila mosalmot sa maong grupo.
Nasayod usab si Mayor Sumbo nga adunay mga kaso ang mga nahisgutan hinungdan nga ang LGU Malapatan ang andam mutabang kanila pinaagi sa pag hatag ug legal assistance aron nga madepensahan ang ilahang mga kaugalingon sa ilahang giatubang nga kaso.
Gipasalig usab sa mayor nga ang mga misurender nga mga NPA recruits ang mapailawom sa flagship programa sa Malapatan nga kalinaw kung asa muhatag sila ug livelihood, scholarship ug pabahay sa mga misurender. (Dave Silagan)
