13 ka wanted person gisilbihan sa warrant

32

Dimataling, Zamboanga del Sur -Nag-ipon og pwersa ang tropa sa Provincial Intelligence Battalion sa Zamboanga del Sur Police Provincial Provincial Office, elemento 53rd Infantry Battalion, Dimataling Municipal Police Station, Regional Intelligence 9 Task Force Tugis, _902nd Manuevering Company sa _Regional Mobile Force Battalion-9 ug Dinas Police aron pagdakop sa 13 ka wanted person sa Purok 1, Sitio Pantalan, Barangay Poblacon, Dimataling, Zamboanga del Sur.
Target sa operasyon ang mga pinangita sa balaod nga sila si SATTE BONGA, TATI BONGA, MONNER BONGA, ROBIN BONGA, RAYAN TANTONG, TING SULAIMAN MAYO, IKE LAM, MURSALIN USMAN, GIALIM ESMAN, SAUTING USMAN, MURSAD USMAN, MEKO PILSO ug MUHAIMIN MUDALIS.
Atol sa joint operation usa lang sa mga target ang nadakpan nga si Monner Mohammad Bonga, 33 -anyos, lumulupyo sa nasangpit nga lugar.
Kasong MURDER kun pagpatay ang gi-atubang sa suspek diin ang warrant of arrest gipagawas sa ni RUBEN BANCE, sa Regional Trial Court Branch 29, San Miguel, Zamboanga del Sur.
Walay pyansa nga gitugot ang korte alang sa kagawasan sa dinakpan nga karon gibalhog na sa prisohan.

Facebook Comments

From Advertisers