General Santos City—mukabat sa 130 Board feet nga Gmelina ang narekober sa tropa sa Alabel Municipal Police Station sa may Purok Mahayahay, Barangay Bagakay, Alabel, Sarangani Province.
Alas 10:30 ang takna sa buntag sa nakalabayng adlaw dihang nakadawat ug impormasyon ang kapulisan gikan sa lugar bahin sa giabandonang ginabas nga Gmelina nga gipanag-iyahan sa wala mailhing tawo.
Paspas kining girespondihan sa kapulisan ug nag positibo ang report kung asa nakit-an mga kahoy nga gibilin lang sa hilit nga dapit sa maong lugar.
Gilayon man usab kining gidala sa buhatan sa Alabel Municipal Police Station ug gikatakda kining iturn-over ngadto sa buhatan sa DENR-Sarangani.
Facebook Comments
