ALABEL, Sarangani Province – Mokabat sa 130 ka mga mag-uuma gikan pa sa tulo ka lagyong purok sa Barangay Alegria, Alabel ang nakadawat ug ayuda gikan sa Department of Agriculture. Ang mga binipisyaryo ang gikan sa Purok Malaya, Pongoleel, ug Plenggang kansa nakadawat ug agricultural inputs gikan sa Department of Agriculture – Region-12 pinaagi sa pakig-alayon sa Lokal nga Panggamhanan sa Alabel.
Tig usa ka sako nga similya sa hybrid white corn, tag-1 ka sakong fertilizers ug pestisidyo ang nadawat sa mga mag-uuma. Gipangunahan ni Alabel Mayor Vic Paul M. Salarda, ang pagpanghatag ug tabang uban ang mga sakop sa Office of the Municipal Agriculturist (OMAG).
Nasayran nga adunay ginamugna nga food security plan sa tibuok munisipyo sa Alabel nga gipangunahan sa OMAG diin sila nagapahigayon ug food security/production orientation ug food survey sa matag barangay sa lungsod.
Credit to: Alabel Information Office
