137 barangays sa Davao aduna nay bag-ong FM pass

21

Davao City – Anaa na lamang sa 45 ka barangays ang wala nahatagan sa bag-ong Food and Medicine (FM) Pass nga padayon karong gina-distribute sa mga barangay sa syudad sa Davao, tumong aron makontrola ang paggawas sa tao paglikay sa Coronavirus Disease 2019 (COVID-19).

Kini human gibutyag ni Davao City Vice Mayor Sebastian ‘Baste’ Duterte nga as of January 13, 2021, anaa na sa 137 barangays (out of 182) ang nakadawat na sa bag-ong FM Pass diin usa ka FM Pass matag household nga adunay duha ka pangalan ang nakasulat niini.


Gipasabot ni Vice Mayor Baste nga kinahanglan nga ma-secure o ma-record sa holder ang copy sa control number sa FM Pass niini aron nga mahatagan og bag-ong FM Pass ugaling kini madaot o mawala.

“So, importante pagdawat nimo sa imuhang FM Pass, isulat nimo ang control nimo, taguan, i-save ninyo. Kay kung sige man gud ta’g dungag, mag doble, managhan ang control number, ma-defeat ang purpose sa FM Pass nga i-limit ang activity sa tao outside of the household,” segun ni Vice Mayor Baste.

Matud sa Vice Mayor, mamahimo gihapong magamit ang daan nga FM Pass o kaha paggamit og Barangay Certificate samtang wala pa nahatagan ang tanan ug hangtod walay opisyal nga anunsyo gikan sa lokal na gobyerno kung himuon nang mandatory ang new FM Pass.

RadyoMaN Kirby Manzon




Facebook Comments