Zamboanga City – Malampuson nga nakumpiska sa mga personahi sa kapulisan sa Drug enforcement unit Zamboanga City Police Station 7 sa pagpangulo ni PCPT Albin Cabayacruz nga nagpahigayon og drug buy-bust operation sa may Claret, Brgy. San Jose, Cawa- Cawa, Syudad sa Zamboanga City alas 9:00 kagabii ang takna adtong miaging adlaw.
Miresulta ang maong operasyon sa pagkasakuti sa Aldaquer Abdulla Addalino, 35 anyos, lalake, usa ka fish broker og residente sa Nunuk Drive, Brgy. Rio Hondo Syudad sa Zamboanga. Nakumpiska atol sa operasyon ang 18 ka sachets sa gituhuang shabu nga dunay gibanabanang kantidad nga 138,000.00 pesos og timbang nga mukabat sa 20.2 grams, usa ka cigarette pack, lima ka tag Php100.00 isip marked money.
Ang nahisgutan nga ebedensya ang gidala ngadto sa Zamboanga City Crime Lab Office alang sa laboratoryo og examination. Samtang ang suspetsado ang nakakostodya na karon sa Zamboanga City Police Station 7 alang sa Tukmang disposasyon.
