Davao City – Opisyal na nga gianunsyo sa 10th Infantry Division Philippine Army nga aduna na’y bag-ong commander ang maong ‘Agila Division.
Sa official statement nga gipagula sa 10th ID, giila ang bag-ong commander nga si MGen Ernesto C. Torres Jr., ang 13th commander sa maong Division.
Sumala pa nga gihulipan niini si Major General Reuben Basiao nga mi-retiro na niadtong March 4, 2021 diin ang change of command gilusad sa Camp General Manuel T. Yan Sr., Mawab, Davao de Oro nga gitambungan ni Philippine Army Commanding General Lt. Gen Jose Faustino Jr. isip Guest of Honor ug Presiding General.
Sa impormasyon, 36 ka tuig nagsilbi sa military service si MGen Basiao ug nahimong commander sa Agila Division sulod sa kapin usa ka tuig diin daghang programa usab ang gigunitan ni Basiao, usa niini mao ang bahin sa pagpaubos sa New People’s Army insurgency parameters.
“As I leave the Agila Division, I am very much at ease, for I will leave the command of the Division to a very capable and able Agila trooper; an outstanding officer and gentleman in the person of MGen Ernesto “Jun” Torres Jr. I know this division will be managed well and will fly higher and faster,” saysay ni Basiao.
Samtang, si MGen Torres Jr. nailhan isip usa ka kanhi nga Armed Forces of the Philippines Civil Relations Service Commander ug graduate sa Philippine Military Academy “MAKATAO” class of 1989.
Gi-challenge usab sa Commanding General ang bag-ong commander bahin sa bago-ong chapter niini sa iyang military career.
RadyoMaN Renz Barbarona
