Arestado ang isa pang high value drug personality sa ikinasang anti-illegal drugs operation ng Philippine National Police (PNP) sa Cebu City.
Kinilala ni PNP Chief General Dionardo Carlos ang nahuli na si Mark Secretaria Duaban, 42 anyos, na kabilang sa PNP drug watchlist.
Sa operasyon na isinagawa sa Sitio Black Cats, Brgy. Duljo Fatima, Cebu City nakuha sa drug suspek ang 2,075 na gramo na nagkakahalaga ng mahigit 14 milyong piso.
Sa ngayon, nasa kustodiya na ng PNP region 7 ang nahuling suspek at nakatakda nang sampahan ng kaso.
Facebook Comments
