General Santos City—Patay ang usa ka minor de edad human kining gidunggab sa wala mailhing suspetsado samtang kini anaa sa ilang lugar sa may Purok 7, River side, Sto Nino, Barangay Apopong Gensan alas 10:45 ang takna sa gabie.
Ang biktima giilang si Alias John, 14 anyos, residenti sa nasampit nga lugar. Nasayran nga samtang ang biktima anaa sa ilang lugar distansya gikan sa ilang panimalay, kalit kining gidunggab sa wala pa mailhing suspek igo sa iyang lawas nga bahin.
Paspas nga misibat ang suspek sa wala sayring lugar samtang ang biktima gidala sa iyang mga kabanay sa Mindanao Medical Center, apan alas 11:45 ang takna sa gabie, nakabsan kini sa iyang kinabuhi.
Gikaingong ayha nakabsan sa iyang kinabuhi ang biktima iya pang nasulti nga taga Purok Lanton, Apopong maoy midunggab kaniya apan wala siya masayod sa pangalan sa suspek.
