Davao City- Mireklamo sa San Pedro Police Station sa Women and Children Protection Desk ang usa ka inahan sa bata nga si alyas Inday, hingkod ang edad ug nagpuyo ning siyudad human gipanamastamasan ug gilugos ang iyang anak nga si alyas Beth, 14 anyos, sa edad palang nga 5 anyos.
Saysay pa sa inahan, nakapamatikod siya sa lihok sa iyang anak nga lawom ang gihuna-huna ug gasige og hinuktok hinungdan nga ang anak wala kaagwanta ug misumbong na kaniya niadtong adlawng biyernes nga gilugos sa iyang amo.
Matud pa, sukad niadtong tuig 2015 pa gisugdan og lugos sa iyang amo nga ginganlang alyas Dong, 60 anyos, residente ning dakbayan.
Gidugang pa sa inahan nga iyang gibilin iyang anak ngadto sa iyang amo sa dihang nag abroad siya sa Dubai sulod sa duha ka tuig tungod dako ang iyang pagsalig kay iya man gipaskwela ang iyang anak gikan kinder hangtod high school.
Ang inahan nagpakitabang sa kapulisan aron sa pagsikop sa suspek ug andam nga mopasaka og kasong rape batok sa suspetsado nga milugos sa iyang anak.
RadyoMan Don Pulayao
