14 anyos nga bata nga babaye, patay matapos maanod sang tubig sa suba sa Banwa sang Leon, Iloilo

Patay ang 14 anyos nga bata nga babaye matapos gin-anud sang daludo sang suba kaina sang hapon sa barangay Agta, Leon, Iloilo.

Ginkilala ang biktima nga si Lanie Rose Cabanero, sang nasambit nga lugar nga nasapwan sa kaingud nga barangay matapos gin-anud pasado alas 3 kaina sang hapon.

Suno kay Punong Barangay Lorena Pandaganan sang barangay Agta, Leon nga nakita niya nga nagtabuk sa suba ang biktima sang gin-anud ini sang mabaskog nga daludo sang tubig.

Pila ka oras ang nagligad, nakita ang lawas sang biktima kag dali-dali nga gindala sa Aleosan District Hospital apang gindeklarar nga dead on arrival.