Padayon karon ang panghimangno sa Land Transportation Franchising and Regulatory Board kon LTFRB region 10 batok sa mga kolorum nga sakyanan nga nagbiyahian sa rehiyon ilabina mga van.
Sa interview sa RMN Malaybalay ngadto kang LTFRB 10 Regional Director Allan Guro, gibutyag niini nga sukad lang kaniadtong bulan sa Enero hangtod Marso 23 ning tuiga nikabat na sa 14 ka kolorum nga sakyanan ang ilang nadakpan.
Daghan na usab daw sila ug nadakpan, gani base sa ilang statistcs kaniadtong tuig 2017, 30 kapin ka mga van ang ilang nadakpan wala pay labot ninii ang mga jeep, taxi ug for hire nga mga sakyanan.
Gisiguro usab sa LTFRB nga ilang pahamtangan ug hingtungdang penalty ang mga driver ug operator niini.
Ila usab daw nga gi-isyuhan ug show cause order aron ipapatubag ang mga tag-iya ug driver sa mga nadakpan nga kolurom nga sakyanan.
