SYUDAD sang Iloilo – Naglab-ot sa katorse (14) ka menor de edad ang narescue sang Iloilo City Police Office- Women and Children Protection Desk (ICPO-WCPD) sang Agosto 30, 2019 sa pagbayolar sang curfew ordinance sang syudad.
Ini kadungan sang ginhiwat nga saturation drive sang ICPO-WCPD sa area sang Iloilo Terminal Maket ukon Super kaupod ang TF Composite Team (TFMVF, ICAST and PSTMO) sang Iloilo City sa pagpamuno ni Nestor Canong, , LEEO head Mr. Ariel Castaneda, mga Barangay Officials kag Tanods sang Brgy. Flores, San Jose kag Pala-Pala, City Proper.
Narescue sang team ang isa ka bata nga babaye kag 13 tanan ka bata nga lalaki.
Ang mga narescue nga menor de edad ginrefer na sa Social Worker on duty para sa nagakaigo nga social intervention samtang ang iban gin turn-over naman sa ila tagsa ka mga ginikanan.
Photo via ICPO- WCPD
