14 ka mga Maranaw sa Bacolod indi mga evacuees

1739

BACOLOD CITY – Ginklaro ni Bacolod City Police Office Acting City Director Police S/Supt. Jack Wanky nga wala nila ginakabig evacuees ukon refugees ang mga Maranaw nga ginasiling nag-abot diri sa ciudad sang Bacolod.

Suno kay Wanky nga may nabaton sila nga impormasyon nga may kapin 14 ka mga Manaraw halin sa Marawi City ang yara karon diri sa Bacolod kag naga-istar sa ila mga himata sa Muslim community diri sa ciudad.

Gilayon nga nagpatigayon sang coordination ang police sa mga barangay officials sang Brgy. 30 kag 31 kon diin may yara sang komunidad ang mga Muslim.

Gin-ako ni Wanky nga indi tanan nga mga muslim ang ginapaidalum sa profiling magluwas gid lamang kon ini sila ang mga suspicious members ukon mga person of interest.

Sa report sang Philippine National Police Regional Office – 18 may ara sang mga masobra 70 ka mga Maranaw gikan sa Marawi nga nagsulod sa pwerto sang Dumuguete City sang nagliligad nga semana.

Facebook Comments