Iloilo – Malayo pa ang posibilidad nga madeklarar nga rabies free ang rehiyon 6.
Ini bangud nga sang nagligad nga tuig may 14 ka tawo nga napatay bangud sa rabies infection.
Halos doble ini sa record sang 2016 nga syam ka kaso.
Bangud sini nagpanawagan ang health authorities sa mga local government units nga buhion liwat ang ila Municipal Rabies Council kag ipatuman ang mga ordinansa ilabi na ang responsible nga pagpanag-iya sang ido agud mapahagan-hagan ang kagat sang ido.
Suno kay Caroline Tumabotabo, Regional Rabies Nurse Coordinator sang Department of Health 6 (Western Visayas), nagapanguna ang probinsya sang Negros Occidental sa rabies cases nga may walo Capiz may tatlo, kag may tag-isa ang probinsya sang Iloilo, Aklan kag Antique.
Sang nagligad nga tuig nakarecord man ang DOH sang 100,840 ka animal bite cases sa rehiyon nga kadam-an sang mga biktima nagaedad sang 15 anyos pataas.
Ginabanta nga may halos tunga sa milyon ka ido sa rehiyon.
