Walay klase ang mga magtutungha gikan sa 14 ka mga tulunghaan sa elementarya ug sekondarya sa dakbayan sa Butuan nga gihimung billeting quarters sa mga delegado ug opisyal sa 21st Caraga Regional Athletic Meet (CRAM) 2018 nga buksan karong adlaw’ng Sabado, Pebrero, 24 ning tuiga.
Gipahibalo ni Elizalde Bernales, spokesman sa CRAM 2018 nga mokabat sa 8,062 ka mga atleta ug delegado gikan sa nagkadaiyang division ang laumang modagsa dinhi sa dakbayan sa Butuan.
Ipahimutang sa Butuan Central Elementary School Elementary School-A ang delegado gikan sa Agusan del Norte, sa Agusan National High School-B ang mga delegado sa Agusan del Sur, sa Obrero Elementary School ang delegado sa Bayugan city, San Vicente National High School ang delegado sa Bislig city, sa Libertad Central Elementary School ang mga delegado sa Butuan city, Butuan Central Elementary School-A alang sa Cabadbaran city, sa La Trinidad Elementary School sa brgy. Bonbon ang mga delegado sa Dinagat Island, Butuan Central Elementary School-B ang mga delegado sa Siargao Island, sa Ong Yui Central Elementary School ang mga delegado sa Surigao city, sa BCSAT ang delegado sa Surigao del Norte, Libertad National High School ang delegado gikan sa Surigao del Sur, Agusan National High School-A alang sa delegado sa Tandag city, ug mag-usa sa West Central School ug Doongan Central Elementary School ang mga opisyal ug referees sa CRAM.
Giklaru ni Bernales nga bisan ug walay klase niining nahisgutan nga mga eskwelahan apan lauman ang mga make up classes paghuman sa CRAM 2018.
