14-mil kapin target nga mabakunahan sa ikaduhang roll-out sa COVID-19 vaccination sa Bukidnon

46

Mukabat sa 14, 749 ang nakatakdang mabakunahan sa probinsya sa Bukidnon sa ikaduhang hugna sa roll-out sa COVID-19 vaccination.

Sa interview sa RMN DXMB Malaybalay ngadto kang Jeanifer Malazarte, ang COVID-19 Vaccination Coordinator sa Provincial Health Office – Bukidnon gibutyag niini nga niadtong Dominggo, nakakuha ang probinsya ug 14, 749 ka vials sa Sinovac vaccine gikan sa Department of Health Region 10.

Matud ni Malazarte nga sa mao nga ihap, 14, 749 usab ka tawo ang mabakunahan nga apil sa priority list.


Sigun niya nga gihatagan ang probinsya ug bisan 85% sa group A1 o mga medical health frontliners nga mabakunahan.

Nasayran nga sa Bukidnon, tulo lamang ang naka-abot sa mao nga target nga mao ang Malaybalay, Maramag ug Manolo Fortich. Kini ang hinungdan nganong gisugdan na nila ang pagbakuna sa mga senior citizens kung asa mao ang anaa sa ikaduha nga prayoridad sa listahan nga mabakunahan.

Sa Malaybalay, adunay target nga 1,000 senior citizens ang mabakunahan karong semanaha. Ang Manolo Fortich ug Maramag adunay tig-600 ka sinovac vaccine ang gi-allocate sa DOH para sa ilang mga senior citizens.



Samtang ang ubang mga lungsod, nagpadayon ang pagbakuna sa mga medical health workers tungod kay wala pa naabot ang 85% sa A1 nga mabakunahan.

Mahinumduman nga sa Bukidnon aduna nay kinatibuk-ang 16, 197 ka mga medical frontliners ang nabakunahan sa 1st dose gikan sa target nga 23, 699 ka health frontliners.


Facebook Comments