Kini human gisugdan na sa Probinsya sa Bukidnon, pinaagi sa Bukidnon Provincial Medical Center (BPMC) ang pagbakuna sa kabataan kagahapong adlawa.
Nasayran nga lakip ang BPMC sa giila nga Pilot Hospital Rollout alang sa Resbakuna Kids COVID-19 Pediatric Vaccination sa Rehiyon 10.
Sa interview sa RMN ngadto kang BPMC chief of hospital Dr. Miguel Antonio C. Prantilla gibutyag niini nga molungtad ang ilang pagpamakuna hangtod ugma, Pebrero 16 ug magpaabot sa sunod nga alokasyon sa bakuna nga ihatag nila.
Matud ni Dr. Prantilla nga sa 140 ka mga bata nga nabakunahan gahapon, 3 niini adunay mga comorbidity.
Wala usay natala nga side effect sa mga bata nga nabakunahan.
Tinguha sa maong Resbakuna Kids nga mahatagan ang kabataan sa proteksyon nga ilang gikinahanglan batok sa COVID-19. Dungan sa pagsiguro sa kahimsog ug kaluwasan sa mga bata, naghatag usab kini ug kahigayunan nga mahimo silang protektado sa panahon nga subling buksan ang mga tunghaan, pinaagi sa face-to-face classes.
Alang sa pagpahimulos niini nga kahigayunan, gikinahanglan lamang nga sundon ang mosunod nga rekisitos aron hingpit mabakunahan ang inyong 5-11 years old nga kabataan: 1. Pre-registration online pinaagi sa link nga gihatag kung aha dili modawat ang BPMC sa walk-ins aron masiguro ang minimum health protocols; 2. Hulaton ang confirmation sa inyong schedule (date and time) pinaagi sa text messages; 3. Magdala sa ID ug birth certificate sa bata; 4. Ubanan sa ginikanan o guardian; 4. Kung adunay comorbidity, magdala sa medical/pedia certificate; 5. Magsuot sa face mask o face shield ug dili kalimtan sa pagdala sa ballpen.
Sa data gikan sa Provincial Health Office nga gipangunahan ni Dr. Gary Guido C. Tabios, Jr., anaa sa 751 vials sa Pfizer COVID-19 vaccine ang na-alokar alang sa Bukidnon, kung aha gibana-bana nga anaa sa 7,150 ka mga kabataan ang mahatagan niini alang sa ilang first dose ug mobalik human sa 21 ka adlaw alang sa ilang 2nd dose.
Sigun ni Dr. Prantilla nga adunay mga pakulo usba silang gipahigayon aron ma divert ang atensyon sa bata aron dili mahadlok sa injection sama sa mga mascots, ug dekorasyon sulod sa vaccination area.
Pinaka una nga bata nga nabakunahan sa COVID-19 Vaccine sa Lalawigan sa Bukidnon mao ang 10 anyos nga batang lalaki ni Dr. Efren Villahermosa Jr. sa Valencia City.
Pinakabata nga nabakunahan sa COVID-19 Vaccine kagahapon sa BPMC Malaybalay, usa ka batang babaye nga nag edad ug 5 anyos nga anak sa usa ka nurse sa BPMC.
Samtang gipahayag usab ni Dr. Prantilla nga mag-lauching usab karon ang City Health Office sa Malaybalay u gang Provincial Health Office sa pangbakuna alang sa nag-edad ug 5 hangtod 11 anyos.
