General Santos City—- Mukabat sa 149 kaso nga kaso sa homicide ang naitala sa tibuok rehiyon gikan Disyembre milabay’ng tuig hangtud na Pebrero 28 ning kasamtangang tuig.
Sumala kang Police Chief Inspector Aldrin Gonzales, tigpamaba sa police regional office 12 nga anaa sa 33 ang mga cleared nga kaso samtang anaa sa 116 ang nagpabiling gina-imbestigahan.
Pamahayag niya nga basi sa direktiba ni Police Chief Superintendent Marcelo Morales, Regional Director sa Police Regional Office 12 nga hugot nga ginapatutukan ang maong mga kaso aron nga tanan masulbad.
Dugang pamahayag ni PCI Gonzales nga basi sa datus, ang Cotabato Provincial Police Office ang may pinakataas nga kaso nga mukabat sa 52 ka kaso.
Samtang ang South Cotabato Provincial Police Oiffice ang may 29 ka akaso nga gisundan sa Sultan Kudarat Provicial Police Office ang may 23 ka kaso samtang ang Cotabato City Police Office may 18 ka kaso.
Ang General Santos City Police Office may 16 ka kaso kung asa unom niini ang solved ug anaa sa pulo ang nagpabiling under investigation samtang ang sarangani Provincial Police Office ang adunay 11 ka mga kaso.
