14th month pay sa pribado nga sektor, kinahanglan pa sang pagtuon – DOLE

61

Ginpahayag karon sang Department of Labor and Employment nga kinahanglan pa sang pagtuon sa mangin epekto sang hagna nga nagahatag sang 14th month pay sa mga empleyado sang pribado nga sektor.

Suno kay Labor Sec. Silvestre Bello III, pagahulaton nila una ang himuon nga pagtuon sa impact sang 14th month pay antes suportahan ang nasambit nga hagna.


Dugang pa ni Bello nga kinahanglan sang assessment bangud sakop sang proposed 14th month pay ang tanan nga kumpaniya, lakip na ang micro, small and medium enterprises.

“We support anything that benefits our workers and their families. However, we must ensure that the proposal will not cause imbalance between the needs of labor and the capability of employers,” pahayag ni Bello.

Matandaan nga nagfile si Senate President Vicente Sotto III sadtong Lunes sang Senate Bill 10 nga tinutuyo nga dugangan sang isa pa ka bulan ang ginabayad sa mga empleyado para makabulig sa pagsaka sa presyo sang mga balaklon.

Facebook Comments

From Advertisers