15-anyos dakop sa pagpang-himueos sa sangka 6 nga dag-on nga ungang babaye

Ni Jay-ar M. Arante, RMN-DYKR Kalibo
Kalibo, Aklan-Indi mabaton-baton ko pamilya it 6 nga dag-on nga babaye ro pagpang-himueos sa andang unga ko sangka 15 anyos nga binatilyo sa isaeang ka Brgy. sa banwa it Kalibo.
Naga panangison do tatay it biktima samtang gina saysay nana ro natabo sa anang unga sa RMN-DYKR Kalibo.
Natukiban ro natabo matapos nga may nakakita sa ging himo it suspek sa unga sa maeapad nga porsyon it kasagingan it anda nga Brgy. ko Lunes it agahon.
Nasayuran nga ging sampit ko suspek do biktima sa nasambit nga kasagingan ag igto nana ging ubra ro pagpang-himueos kara base man sa panaysayon kanda ko andang unga.
Gina sugid pa nga makapilang beses eon nga ging himo ko suspek do pagpang-aboso ugaling uwa eagi hasayri dahil gina paeag nana ro unga.
Ro baeay ko biktima ag suspek hay magkaeapit malang rason nga hakilaea eagi imaw ag hadakpan it mga kapulisan.
Una eon makaron sa taeatapan it Kalibo PNP ro suspek ag nakataeana nga e-inquest makaron nga adlaw it Miyerkules.

Facebook Comments