BACOLOD CITY – Kapin sa P850 mil pesos nga balor sang Shabu ang na-recover sang Regional Special Operations Task Group, City Drug Enforcement Unit kag Police Station 6 sa ginpatigayon nga buy bust operations kahapon sa Brgy. Taculing, syudad sang Bacolod.
Kalakip sa mga nagkaladakpan amo ang isa ka menor de edad kag apat ka iban pa nga mga suspek kag detained na karon sa Police Station 6.
Ini sila ginkilala nga amo sanday Debidi, 26 anyos, sang Brgy. Taculing, Jelmer Reyes sang Brgy. 39 kag Angelo Garcanilla, 21 anyos, sang Brgy. Matab-ang, syudad sang Talisay.
Nakuha sa mga suspek ang kapin sa 27 tanan ka dalagku kag gagmay nga sachet sang suspected shabu sa diin gina-estimate sang kapulisan naglab-ot sa kapin P850 mil pesos ang market value sini.
