General Santos City—samad sa dughan ug sa kilid nga bahin ang naangkon sa 15 anyos nga batan-on human nga gidunggab sa sama niining minor de edad atubangan sa ten, Point nga nahimutang sa National Highway, Barangay Labangal, Gensan.
Giila ang biktima nga si alias Samsudin, residenti sa Bulaong Extension, Barangay Labangal, samtang ang suspek itago lang sa pangalang si Alias Ryan, 16, residenti sa Lower Makar, Barangay Labangal.
Sa inisyal nga imbistigasyon sa Makar Police Station nasuta nga nag-inum ang biktima ug ang suspetsado sa maong lugar apan human nangahubog, didto na nagbingkil nga miresulta sa pagpanunggab.
Daling gidala sa St. Elizabeth Hospital ang biktima ug padayon pang nagpaalim sa mga samad nga naangkon, samtang ang suspek nakasibat human sa pagpanunggab.
Sa karon padayon pang giimbistigahan sa Police Station 2 ang nasampit nga insidenti ug padayon pang gipangita ang minor de edad nga suspek sa krimen.
