Davao city – Angol ang usa ka dalagita kinsa gitohoang natripan sa mga istambay samtang nakatulog sa merkado sa Tibungco ning siyudad sa 12:20 sa tungang kagabhion.
Nagtaroy pa intawon sa liog ang Indian pana sa 15 anyos nga si alyas Lucy ug samtang nakahiagom sab kini og samad dinunggaban sa kilid sa lawas samtang gihatod sa Southern Philippines Medical Center.
Matud sa inahan nga si Ernisa Macawili nga gikapoy sa pagpanilhig sa merkado ang iyang anak mao nga nakahinanok kini sa pagkatulog hangtud naabtan og tunga sa kagabhion.
Giduol matud pa ang biktima sa wala mailhi nga mga suspek ug sa walay daghang istorya giluba si Lucy ug wala pa matagbaw usa sa mga suspek mipana tumong sa liog sa biktima.
Padayon pa gi-obserbahan ang kahimtang sa biktima sulod sa SPMC.
RadyoMaN Joel Viray
