General Santos city—lima ka mga samad pinusilan sa iyang likod nga bahin ang naangkon sa usa ka 15 anyos nga minor de edad kansa suspek sa pagpangawat human kining napusilan sa gwardya sa kumpanyang ilang gisudlan sa may Makar, Barangay Labangal, Gensan.
Biktimang napusilan itago lang sa pangalang alias Omar, 15, residenti ning syudad.
Alas 9:10 ang takna sa gabie dihang nasakpan sa akto sa gwardyang si Jocino Palapan, gwardya sa Solid Lines nga makaplagan sa Makar Barangay Labangal ang tulo ka mga minor de edad apil na niini si Alias Omar nga pagawas sa maong kumpanya bitbit ang usa ka roll nga nylon nga nagkantidad ug 10 mil ka pesos.
Human nakit-an sa mga nahisgutan ang Gwardya usa kanila ang mibunlot ug sumpak, didto gipusil sa gwardya ang usa kanila gamit ang iyang 12 guage shotgun.
Malampuson usab nga nakasibat ang duha ka mga kaubanan sa nahisgutang minor de edad.
Gilayon man nga gidala sa Dr. Jorge Royeca Hospital si Alias Omar samtang ang gwardyang si Palapan ang misurender sa Police Station no. 2 ug kasamtangan na karon nga balhog sa prisohan.
