General Santos City–Gikumperma ni Dr. Ryan Aplicador ang Hospital Chief sa Dr. Jorge Royeca Hospital nga aduna silay ginatutukan karon nga pasyente nga gidudahang adunay sakit nga meningococcemia nga naadmitar sa nasangpit nga pasilidad niadtong milabay nga adlaw.
Sumala pa ni Dr. Aplicador nga sa karon ilaha nang gi-isolate ang maong pasyente aron usab nga dili kini makatakod sa uban nga mga pasyente nga anaa sa maong ospital ugaling magpositbo kini sa maong balatian.
Gihatagan naman usab ug tambal ang mga hospital staff nga nag asikaso sa nasnagpit nga biktima aron nga dili sila matakdan.
Sa karon ginahuwat pa ang confirmatory test para masayran nga positibo o negatibo ang maong pasyente sa maong balatian.
Gibutyag usab ni Dr. Aplicador nga kung buot sa pamilya nga ibalhin sa laing hospital ang nasangpit andam sila nga makig-coordinate sa ubang dagkong hospital nga adunay mas nindot nga pasilidad.
Gikabutyag usab ni Dr. Aplicador nga ang biktima ang usa ka 15 anyos nga babaye nga nanimuyo ning syudad ug na admitar niadtong milabay lang nga adlaw.
Nasayran nga usa sa mga sintomas sa meningococcemia mao ang taas nga hilanat, sakit sa ulo, stiff nick convulsions pagsuka-suka ug uban pa. (Dave Silagan)
