General Santos City—sikop sa Operatiba sa Police Station 2 ang 15 anyos nga suspetsado sa pagpanglugos sa area sa Blaan Community, Barangay Labangal, Gensan.
Una nang midangop sa buhatan sa kapulisan a ng magsuon human matud pa giamong-amongan sa duha ka mga lalaki ang usa ka nila sa usa ka abandonadong luna sa may Blaan Community.
Gikaingong nagbaktas ang duruha sa daplin sa sapa sa maong lugar dihang sila giduol sa mga suspek dayon gidala sa usa ka abandonadong balay ug didto na gilugos. Gihayong mirespondi ang kapulisan sa lugar diin nasikop ang usa ka 17 anyos apan gibuhian human nasuta nga dili siya maoy nag himo sa krimen inay siya maoy witness sa gihimo sa duha niini nga mga kaila.
Subling naghimo ug hot pursuit operation ang kapulisan nga miresulta sa pagkasikop sa 15 anyos kansa positibong gitudlo sa biktima ug sa testigo nga maoy responsabli sa krimen. Samtang pabiling gawasnon sab ang kaubanan niining 20 anyos.
