Davao City – Arestado ang kinse ka mga indibidwal sa gihimong buy-bust operation sa Davao del Norte Provincial Office of Philippine Drug Enforcement Agency Regional Office XI niadtong Nobyembre 17, 2018 ala 1:30 sa kadlawun sa Purok Bangag, Barangay San Isidro, Tagum City, Davao del Norte.
Base sa report sa PDEA XI, tulo ang nadakpang giingong drug den maintainers nga giilang sila Rahadil Amari, Jun-Jun Bisaro, ug Vincent Bisaro samtang ang dose giingong mga bisita sa drug den nga giilang sila Dominador Reponte, Gapar Hempon, Malvan Capones, Aljum Olom, Jommel John Deza, Emiliano Tutor Jr., Dante Abastillas Jr., Jimmy Suroy-suroy, Adrian Alipio, Dennis Landeza, Reynard Tadle, ug Ruel Galacio.
Dugang sa report, nakuhaan og mga gituohang shabu ang mga dinakpan nga mukantidad sa kapin 100,000 pesos.
Balhug na sa prisuhan ang mga dinakpan ug mag atubang og kasong adunay kalapasan sa Republic Act 9165 kun Comprehensive Dangerous Drugs Act of 2002.
Radyoman Renz Barbarona
