Pagadian City – Kinse ka balay ang naugdaw dihang niulbo ang kalayo alas 9:53 kaganihang buntag dihang dapita sa Purok Kapalaran, Brgy. Balangasan ning syudad sa Pagadian.
Naglisud pagsulod ang mga bombero gumikan sa kapit-us sa lugar og dali ra nga mikatag ang kalayokay gama sa semi-light materials ang mga balay hinungdan nga halos usa ka oras kapin nga nakigbugno ang mga tinugyanan sa Bureau of Fire Protection Central Office una hingpit nga napalong ang kalayo.
Sa inisyal nga report nga nakuha sa RMN Pagadian, nasunog ang mga balay nga gipanaag-iyahan nila ni Efren Yanoc, Pablito Andus, Tinie Kirog, Nating Kirog, Ruby Cadallo, Guillermo Nuevo Sr., Leonora Nuevo, Tata Nueva, Angelyn Belocora, Laramea Andus, Virgelio Paalisbo, Rose Gatchu, Lorenzo Redor, Eddie Gatchu ug Tata Rosiana.
Sa interview sa RMN Pagadian kang SFO3 Richard Cafino, giisa sa ngadto sa ikatulong alarma ang sunog og mobalor sa usa ka milyon ang kabtangan nga naabo.
Gikomperma usab ni cafino nga nakahiagom og paso ug samad sa lawas ang usasa miresponde nga bombero.
Gisuta pa sa BFP ang sinugdanan sa kalayo ilabina nga kadaghanan sa mga kwarto sa mga balay nga naa sa lugar gipa-abangan.
