Pormal nga ginturn-over kahapon nga adlaw sang lokal nga panggobyerno sang South Cotabato sa mga barangay kapitan ang 15 ka mga 4×4 kag 4×2 units nga patrol vehicles sa mga recipients barangay dire sa probinsya nga may kabug-usan nga kantidad nga P6,012,900.00.
Ang mga barangay nga nakabaton sang 4×4 patrol vehicles amo ang Lamfugon sang Lake Sebu, Albagan sang Tampakan, Maan, Lambangan, Salacafe kag Lambuling sang banwa sang T`boli.
Nagakantidad naman sang P2, 638,800.00 ang anum ka units sang 4×4 barangay patrol vehicles.
Samtang nakabaton naman sang 4×2 nga patrol vehicles ang mga barangay sang Naci- Surallah, Datal Bob,Afus kag Lamsalome sang T`boli, Luhib-Lake Sebu, Mangilala kag New Cuyapo sangTantangan,Simsiman – Norala kag Silway 8 naman sang Polomolok.
Nagalab-ot naman sa P3, 374,100.00 ang kantidad sang 9 KA units sang 4×2 nga patrol vehicles.
May-angot sini ginhingyo ni South Cotabato Governor Daisy Avance Fuentes sa mga barangay kapitan sa probinsya nga halungan ang ginhatag nga mga patrol vehicles kag magbutang sang driver nga makahibalo sa maintenance agud nga madugay nga maguba tungod madugay naman nga liwat sila mahatagan.
Ginkumpirmar man sang gobernadora nga surplus ang ginabakal sang lokal nga panggobyerno tungod indi nila suno pa kaya nga magbakal sang brand new gid.
credit to: PIO South Cotabato
