15 ka mining company nga gisupenso balik operasyun na

224

Balik sa operasyon ang 15 ka mga mining companies dinhi sa Caraga region nga bag-uhay lang gisuspenso ug gisirad-an ni kanhi DENR Sec. Gina Lopez.
Kini human milampos ang tanang legal remedies nga gidangpan sa mga mining companies ug natugutan sila nga mobalik sa pagmina sigun ni Reg’l Director Roger de Dios, sa Mines and Geo-sciences Bureau (MGB) Caraga.
Madumduman nga sa panahon ni kanhi DENR Sec. Lopez, 15 ka mga minahan ning rehiyon ang iyang gipasirad-an ug gisuspenso tungod sa nakitang kalapasan sa siltation ug nakaguba sa watersheds sa lugar.
Pito ang na-suspenso ang nag-operate sa Dinagat Islands, upat sa Surigao del Norte ug tulo sa Surigao del Sur.
Didto sa Dinagat Island, nibalik sa operasyon ang AAMPhil Natural Resources Exploration, Kromico Inc., Libjo Mining Corporation, Oriental Synergy Mining Corporation, Oriental Vision Mining Philippines Corp., SinoSteel Philippines H.Y. Mining Corporation, ug Wellex Mining Corporation.
Sa Surigao del Norte mao ang ADNAMA Mining Resources Corp., Claver Mineral Development Corp., Platinum Group Metals Corp, Hinatuan Mining Corp ug Claver Mineral Development Corporation.
Samtang didto sa Surigao del Sur: CTP Construction and Mining Corp., Carrascal Nickel Corp., and Marcventures Mining ug Development Corporation.
Dugang nasayran nga gisuspenso sa MGB-Caraga karong tuiga ang Century Peak Corporation (CPC) tungod sa kapakyasan sa pagpatuman sa social development projects ug ubang kalapasan sa kinaiyahan.


Facebook Comments