15 ka Shuttle bus, mag-operate sa CDO

23
PC: Roads and Traffic Administration

Mokabat sa 15 ka unit sa shuttle bus type ang aprobado na sa gobyerno nga maoy mamasada sa este ug westeng bahin ning syudad sa Cagayan de Oro.

 

Kini ang gikompirmar ni Engr. Nonito Oclarit, Assistant Department Head sa Roads and Traffic Administration kon RTA atol sa tigom sa komite sa public utilities sa konseho.

 

Gibutyag ni Oclarit nga gidali na og hikay aron  mapasa ang plano sa ruta nga maoy  gikinahanglan aron maaprobahan sa mga nalambigit nga ahensya sa gobyerno ang maong ruta.

 

Pinaagi niini, hayan maserbisyohan na sa pampublikong sakyanan ang katawhan nga nanimuyo dapit sa Highway-Legaspi junction road sa barangay Tablon ning syudad.

Facebook Comments