General Santos City—mukabat ngadto sa 150 ka mga security personel kada shift ang gibutang sa Antonio C. Acharon Memorial Park (ACAMP) aron nga magbantay sa kahapsay ug kalinaw sa nasangpit nga sementeryo kung diin gibutangan ug usa lang ka entrance ug usa lang usab ka exit aron mamahimong han-ay ang dagan sa mga sakyanan ug mga tao.
Sumala pa ni Police Sr. Inspector Fernando Manuel Jr ., ang hepe sa Police Station 7 nga tag 12 ka oras ang ka bantay sa usa ka shift kung diin mao kini ang ga han-ay sa dagan sa trapiko ug naga rekisa sa mga musulod nga mga tao sa nasangpit ka sementeryo.
Sa una matud pang adlaw sa kalag-kalag ubay-ubay usab ang ilahang mga nakumpiska nga mga bawal nga butang nga ipasulod sa sementeryo sama na lang sa hait nga hinagiban, lighter ug sigarilyo.
gawas sa bug-at nga dagan sa trapiko wala na usay laing problema nga nasinatian ang kapulisan nga naga bantay sa maong sementeryo. (Dave Silagan)
