General Santos City— Mukabat na sa 156 ka mga kabataan kon Children At Risk ang na-rescue sa City Social Welfare And Development Office kon CSWDO sa tulo ka adlaw nga operasyon sa oplan mapayapa uban ang kapulisan.
Sumala kang Becky Magante, labaw sa CSWDO Gensan nga ang ilahang gi-implementar mao ang pagtuman sa safe keeping hours gikan alas 10 sa gabii hangtud na sa alas 4 sa kadlawon.
Dugang pamahayag ni Magante nga alang kanila, makonsidera nila nga epektibo ang maong oplan mapayapa sa kapulisan.
Kini gumikan hinay-hinay nga nga nakunhuran ang ihap sa mga children at risk nga agad makit-an sa kadalanan panahon sa kagab-ihon.
Dako man usab ang ilahang pagpasalamat sa kapulisan gumikan kung sila lang matud pa maoy saligan, dili gyud nila kini mahimo.
